من طرف الكلام اولا هيبقى باللغة عامية علشان يبقى لذيذ وواضح ومفيد...ونخلى البساط أحمدى
تعالى اختار اى ولد او بنت ماشيين ف الشارع واسال كل واحد منهم السؤال دة.
نفسك تطلع اية يامشمش ؟؟
نفسى اطلع مغنى او لاعيب كورة
طب نفسك تطلعى اية يامشمشة ؟؟
نفسى اطلع ممثلة او مغنية او رقاصة لو جت لى الفرصة.
طبعا مش محتاجين نسألهم انت جاوبت كدة لية..لان ببساطة هو اقتنع من الوسط الحالى اللى عايشة ان دى الحاجة الوحيدة اللى بتجيب فلوس بسرعة ومن غير مجهود.
اية يعنى لما اقول ياليل ياعين وبحبك وبموت فيك وياتاعبة كل الناس اى كلام من كام مؤلف طعمجى وابقى ف اقل وقت من المليونيرات وشالية ف بورتو مارينا واحدث موديل من العربيات.
طب السؤال من أى وجهة تانية : يعنى مافيش اى شغلانة حلال ف الكون بتجيب فلوس كتير؟؟
يرد عليك ويقولك لا لا لا بس مش هيبقى فلوسها كتير زى الغنا ياجدع.
انت لو شغال ف حتة تانية هتتفحت طول النهار وتلف وتدور وتتعب وف الآخر هتاخد آخرك 1000 جنية ولا حاجة.
على رأى واحدة رقاصة بييسألوها لية ماعيشتيش شريفة....فردت : هو انا لو عشت شريفة هاخد كام يعنى ؟؟
المشكلة ان ماحدش واخد بالة ان الفيصل بينك وبين اى واحد ف الكون مش بيقبض كام!
الفيصل مابينا ف الآخر هى " الآخـــــــــرة" يوم لا ينفع مال ولا بنون.
لما يبقى معاك مليارات وتقف قدام ربنا يقولك جبت الفلوس منين: هتقولة اصلى بوست فلانة وغنيت مع علانة؟ولا هتقول اية ؟؟؟
المشكلة الخطيرة اننا بقينا بنبص للقشرة والمنظر الخارجى....واحد مغنى تقول ياااااااااااة شوف معاة فلوس قد اية؟؟
وانت ماتعرفش يمكن يكون علية ديون متلتلة ممكن يكون السيط ولا الغنا ..بلاش دة ولا دة..فلوسة حرام ياجدع ودى كفاية
تبص لواحد راجع من السعودية تقول ياااااااااة ياعم شوف راجع من السعودية مليونير..ويمكن يكون هو لحس التراب بيهم هناك،انما انت بتبص بس للقشرة أو للمظهر الخارجى....ممكن تبص لواحدة من برة انها صايعة ومالهاش اهل.ودى كفرانة وبتمسح سلالم بيوت علشان تاكل لقمة شريفة.
كان زمان بيقولوا " قرش حلال ابرك من 10 حرام "....انت ممكن تكون بتاخد 10 جنية وبتنام زى الفل لاكليتك بتوجعك ولا قلبك مش عارف تنام منة ولا لما تبول تصرخ من الألم.
وممكن يكون العكس....والله انا شوفت ناس كتير قوى اغنيا وتعبانة....فية حاجة ماحدش واخد بالة منها
كل ما البنىآدم فلوسة تكتر حسابة هيبقى اصعب لانك هتتسأل يوم القيامة عن القرش جة منين وراح فين..الحاجة التانية ان الغنى ماتحسدوش قوى على غناة لان الناس غالبا ماتبقى عاوزة تمص دمة ولو لية بنات بيبقى الناس كلها طمعانة فيهم غير كدة وكدة انة مش بيقدر يعيش حياتة زى بقية الناس فلان حاقد علية وفلان بيعمل مش عارف اية ...الا من رحم ربى.
واللى بيضايقنى اكتر ان الشباب اغلبهم مقتنعين بالتفكير العقيم بتاع انا عاوز ابقى زى تامر حسنى وعمرو دياب ومش عارف مين وتلاقية بدا يبقى شاب كتكوت وبدا يحس ان صوتة حلو ف الحمام يقولك باااااااااس كدة اشطة اعمل اغنية واجيب الشاعر عبدة بقدونس ونعمل دويتو وارفعها على المنتديات اشتهر وابقى مليونير.
تلاقية شاب منظرة يكسف ولا مؤاخدة واخد موس حلاقة ف دقنة وطالع فاتحلك قميصة ومبين شعر صدرة ولابس سلسلة ياجدع اختشى دة ربنا بيقول " واذا بليتم فاستتروا" خبى الخلقة السمحة دى مش عاوزين نشوفها.
وتلاقى راجل شايب وعايب وواقف يترقص ف الكليبات علشان ياخدلة 500 جنية ماعادش الناس عندها كرامة ولا اية ماتفهمش ...ماعادش فية الرجالة اللى لما تلاقى الجنية هيذلها تحط الجنية تحت رجلها وتدوس علية بقينا بالظبط فى كلمة واحدة (عبيد المال).
ولا الشباب اللى تلاقيها ف الجامعة ماسك جيتار وعاملك فيها الواد اللى مالوش حل..
نفسى أسالة سؤال بجد: انت بتعمل كدة لية؟؟ هييجوا البنات يقولوا وااااااااااو اية الشاب رومانسى دة تعالى نروح نصاحبة بقى ولا اية ؟؟ عاوز اجابة صريحة
لعلم الناس كل بنت وتفكيرها فية بنت بتحب الواد الراجل وبنت تحب الواد الاستايل وفية بنت بتحب الواد التافهة
شوف انت مين فيهم والطيور على اشكالها تقع ..واستحالة ربنا هيوقعك الا ف واحدة شبهك وربنا يزرقك بعيل اهبل وتافهة ياخد فلوسك ويضيعها ف القهاوى والصرمحة بالعربية .
وماتقوليش انا مقتنع جدا بكلامك بس مافيش شغل.....لا فية شغل بس الشغل اللى موجود مش لاى حد ...مش هتبقى خريج زيك زى بقية الخلق وعاوز تشتغل مدير ف شركة بمرتب مليون جنية.
قبل ماتفكر تاخد لازم تفكر انك تدى...خد كورسات اتعلم حاجة اعمل منظر فية ياما ناس نجحت ومعاها فلوس وزى الفل وبما يرضى الله..وماتقولش افرض مانجحتش..لو كلنا فكرنا كدة ..نقعد ف بيوتنا أحسن
السؤال الخطير بقى (لية الحلال صعب والحرام سهل ) ؟؟؟
دة حكمة من حكم ربنا....علشان لما البنى آدم بيتعب ف الحاجة ويوصلها ف الآخر فبيحس بلذتها.
مفيش اسهل من الحرام على فكرة....مش صعب انك تزنى...ومش صعب انك تسرق..ومش صعب انك تشرب خمره أى واحد يعرف يعمل دة.
بس مش أى حد يبقى قدامة قزازة بيرة ويقول لا ومش اى حد يبقى قدامة فرصة ويقول لا علشان ربنا...للأسف ماعادش ربنا ف دماغنا...وعلشان كدة ماعادش فية بركة فى أى شىء...ونرجع نقولك الحكومة وبتاع...اذا كنت انت مابتعملش حاجة لنفسك ...ماحدش بالطبيعى هيعملك..عارف ان الكلام حلو واحان قاعدين على النت كدة بس القاعدة عند ربنا ثابتة (إن الله لايغير مابقوم حتى يغيروا مابأنفسهم)....ابدأ وانت هتلاقى ربنا معاك ..انما طول مانت قاعد كدة ابقى قابلنى لو حصل حاجة.
زى بالظبط الشباب اللى يقولك نفسى ابطل السجاير بس مش قادر ..ادعيلى ربنا يهدينى.
لا هيسيب السجاير ولا هيحصل جديد...لانة كلامنجى...كلام كتير وفعل مفيش
آسف انى طولت عليكوا بس والله فعلا غرضى من كل الكلام دة ان حد يتغير.. مش علشان انا الواد اللى مافيش منة كلنا اصحاب ذنوب ..بس فعلا نفسى كلنا نبقى ف افضل حال.
وشكراااااااااااااا
تعالى اختار اى ولد او بنت ماشيين ف الشارع واسال كل واحد منهم السؤال دة.
نفسك تطلع اية يامشمش ؟؟
نفسى اطلع مغنى او لاعيب كورة
طب نفسك تطلعى اية يامشمشة ؟؟
نفسى اطلع ممثلة او مغنية او رقاصة لو جت لى الفرصة.
طبعا مش محتاجين نسألهم انت جاوبت كدة لية..لان ببساطة هو اقتنع من الوسط الحالى اللى عايشة ان دى الحاجة الوحيدة اللى بتجيب فلوس بسرعة ومن غير مجهود.
اية يعنى لما اقول ياليل ياعين وبحبك وبموت فيك وياتاعبة كل الناس اى كلام من كام مؤلف طعمجى وابقى ف اقل وقت من المليونيرات وشالية ف بورتو مارينا واحدث موديل من العربيات.
طب السؤال من أى وجهة تانية : يعنى مافيش اى شغلانة حلال ف الكون بتجيب فلوس كتير؟؟
يرد عليك ويقولك لا لا لا بس مش هيبقى فلوسها كتير زى الغنا ياجدع.
انت لو شغال ف حتة تانية هتتفحت طول النهار وتلف وتدور وتتعب وف الآخر هتاخد آخرك 1000 جنية ولا حاجة.
على رأى واحدة رقاصة بييسألوها لية ماعيشتيش شريفة....فردت : هو انا لو عشت شريفة هاخد كام يعنى ؟؟
المشكلة ان ماحدش واخد بالة ان الفيصل بينك وبين اى واحد ف الكون مش بيقبض كام!
الفيصل مابينا ف الآخر هى " الآخـــــــــرة" يوم لا ينفع مال ولا بنون.
لما يبقى معاك مليارات وتقف قدام ربنا يقولك جبت الفلوس منين: هتقولة اصلى بوست فلانة وغنيت مع علانة؟ولا هتقول اية ؟؟؟
المشكلة الخطيرة اننا بقينا بنبص للقشرة والمنظر الخارجى....واحد مغنى تقول ياااااااااااة شوف معاة فلوس قد اية؟؟
وانت ماتعرفش يمكن يكون علية ديون متلتلة ممكن يكون السيط ولا الغنا ..بلاش دة ولا دة..فلوسة حرام ياجدع ودى كفاية
تبص لواحد راجع من السعودية تقول ياااااااااة ياعم شوف راجع من السعودية مليونير..ويمكن يكون هو لحس التراب بيهم هناك،انما انت بتبص بس للقشرة أو للمظهر الخارجى....ممكن تبص لواحدة من برة انها صايعة ومالهاش اهل.ودى كفرانة وبتمسح سلالم بيوت علشان تاكل لقمة شريفة.
كان زمان بيقولوا " قرش حلال ابرك من 10 حرام "....انت ممكن تكون بتاخد 10 جنية وبتنام زى الفل لاكليتك بتوجعك ولا قلبك مش عارف تنام منة ولا لما تبول تصرخ من الألم.
وممكن يكون العكس....والله انا شوفت ناس كتير قوى اغنيا وتعبانة....فية حاجة ماحدش واخد بالة منها
كل ما البنىآدم فلوسة تكتر حسابة هيبقى اصعب لانك هتتسأل يوم القيامة عن القرش جة منين وراح فين..الحاجة التانية ان الغنى ماتحسدوش قوى على غناة لان الناس غالبا ماتبقى عاوزة تمص دمة ولو لية بنات بيبقى الناس كلها طمعانة فيهم غير كدة وكدة انة مش بيقدر يعيش حياتة زى بقية الناس فلان حاقد علية وفلان بيعمل مش عارف اية ...الا من رحم ربى.
واللى بيضايقنى اكتر ان الشباب اغلبهم مقتنعين بالتفكير العقيم بتاع انا عاوز ابقى زى تامر حسنى وعمرو دياب ومش عارف مين وتلاقية بدا يبقى شاب كتكوت وبدا يحس ان صوتة حلو ف الحمام يقولك باااااااااس كدة اشطة اعمل اغنية واجيب الشاعر عبدة بقدونس ونعمل دويتو وارفعها على المنتديات اشتهر وابقى مليونير.
تلاقية شاب منظرة يكسف ولا مؤاخدة واخد موس حلاقة ف دقنة وطالع فاتحلك قميصة ومبين شعر صدرة ولابس سلسلة ياجدع اختشى دة ربنا بيقول " واذا بليتم فاستتروا" خبى الخلقة السمحة دى مش عاوزين نشوفها.
وتلاقى راجل شايب وعايب وواقف يترقص ف الكليبات علشان ياخدلة 500 جنية ماعادش الناس عندها كرامة ولا اية ماتفهمش ...ماعادش فية الرجالة اللى لما تلاقى الجنية هيذلها تحط الجنية تحت رجلها وتدوس علية بقينا بالظبط فى كلمة واحدة (عبيد المال).
ولا الشباب اللى تلاقيها ف الجامعة ماسك جيتار وعاملك فيها الواد اللى مالوش حل..
نفسى أسالة سؤال بجد: انت بتعمل كدة لية؟؟ هييجوا البنات يقولوا وااااااااااو اية الشاب رومانسى دة تعالى نروح نصاحبة بقى ولا اية ؟؟ عاوز اجابة صريحة
لعلم الناس كل بنت وتفكيرها فية بنت بتحب الواد الراجل وبنت تحب الواد الاستايل وفية بنت بتحب الواد التافهة
شوف انت مين فيهم والطيور على اشكالها تقع ..واستحالة ربنا هيوقعك الا ف واحدة شبهك وربنا يزرقك بعيل اهبل وتافهة ياخد فلوسك ويضيعها ف القهاوى والصرمحة بالعربية .
وماتقوليش انا مقتنع جدا بكلامك بس مافيش شغل.....لا فية شغل بس الشغل اللى موجود مش لاى حد ...مش هتبقى خريج زيك زى بقية الخلق وعاوز تشتغل مدير ف شركة بمرتب مليون جنية.
قبل ماتفكر تاخد لازم تفكر انك تدى...خد كورسات اتعلم حاجة اعمل منظر فية ياما ناس نجحت ومعاها فلوس وزى الفل وبما يرضى الله..وماتقولش افرض مانجحتش..لو كلنا فكرنا كدة ..نقعد ف بيوتنا أحسن
السؤال الخطير بقى (لية الحلال صعب والحرام سهل ) ؟؟؟
دة حكمة من حكم ربنا....علشان لما البنى آدم بيتعب ف الحاجة ويوصلها ف الآخر فبيحس بلذتها.
مفيش اسهل من الحرام على فكرة....مش صعب انك تزنى...ومش صعب انك تسرق..ومش صعب انك تشرب خمره أى واحد يعرف يعمل دة.
بس مش أى حد يبقى قدامة قزازة بيرة ويقول لا ومش اى حد يبقى قدامة فرصة ويقول لا علشان ربنا...للأسف ماعادش ربنا ف دماغنا...وعلشان كدة ماعادش فية بركة فى أى شىء...ونرجع نقولك الحكومة وبتاع...اذا كنت انت مابتعملش حاجة لنفسك ...ماحدش بالطبيعى هيعملك..عارف ان الكلام حلو واحان قاعدين على النت كدة بس القاعدة عند ربنا ثابتة (إن الله لايغير مابقوم حتى يغيروا مابأنفسهم)....ابدأ وانت هتلاقى ربنا معاك ..انما طول مانت قاعد كدة ابقى قابلنى لو حصل حاجة.
زى بالظبط الشباب اللى يقولك نفسى ابطل السجاير بس مش قادر ..ادعيلى ربنا يهدينى.
لا هيسيب السجاير ولا هيحصل جديد...لانة كلامنجى...كلام كتير وفعل مفيش
آسف انى طولت عليكوا بس والله فعلا غرضى من كل الكلام دة ان حد يتغير.. مش علشان انا الواد اللى مافيش منة كلنا اصحاب ذنوب ..بس فعلا نفسى كلنا نبقى ف افضل حال.
وشكراااااااااااااا
بجد كلام ف منتهى الجمال ويارب كلنا نفكر فيه صح ونستفيد منه 
