عايزة وعايزة وعايزة

عايزة وعايزة وعايزة وعايزة

عايزة يجيلى بكرة بسرعه
وشمسى تشرق قبل ما اصحى
واشوف الكورة الارضيه
تلف تلف وترجع ليا

عايزة وعايزة وعايزة وعايزة

عايزة اقوم بكرة من بدرى
أجرى وتجرى الدنيا عليا
فاتحه ايديها وفاتحه ايديا
أخذها بحضنى وتحضن فيا
وأفرح بيها وتفرح بيا

عايزة وعايزة وعايزة وعايزة

عايزة أنام تحت الشجرايه
و امشى حافيه وأجرى شويه
أو اسيب شعرى فى وسط الميه
و احدف نفسى بقوه لفوق
أو اطول نجم السماء بايديا

عايزة وعايزة وعايزة وعايزة

نفسى أرجع بضفرتين
من غير عيل والا اتنين
والقى الضلمه تضيع فى النور
والشمسايه الصفراء بتاعتى
والقمر الغايب بعنيه

عايزة وعايزة وعايزة وعايزة

كلمه وكنت بقولها زمان
لو كان يعجبنى فى الفستان
او حتى لعبه جديده عليا
أنا دلوقتى رجعت اقولها
رد عليها او حتى اسمعها

عايزة وعايزة وعايزة وعايزة

آه لو تلفت قلبك ليا
أنا امنيك بأمانى الدنيا
تشرق شمسى واحب جديد
العين فى العين والايد فى الايد
نفسى فى حبك يرجع ليا
زى زمان والقاه فى ايديا
زى زمان وتفكر فيا

عايزة وعايزة وعايزة وعايزة

اسمع منى ولا تنساش
عمر الضحك ما يستناش

عايزة وعايزة وعايزة وعايزة

آه لو يرجع حبك ليا
يرجع ليا ده كله فى ثانيه
ولاعمرى أقولك ولا مرة
عايزة وعايزة وعايزة وعايزة

وبحبك ارضى وترضى عليا
وانول بيك رضى ربى عليا


عايزة وعايزة وعايزة وعايزة
والله عايزة وعايزة وعايزة