فية مشكلة صغيرة جدا ياجماعة بس بجد ممكن تضيع الانسان فى لحظة تفكير وتودية فى داهية ولازم تاخد بالك منها والمشكلة دى
" الثقة بالله "
طبعا كلنا مؤمنين بربنا دى مش محتاجة كلام
اسمع منى للآخر بسسسس وشوف مش موضوع دينى خالص على فكرة
أحيانا تبقى محتاج حاجة من ربنا بشدة ونفسك فيها وتدعى يارب يارب انا عاوزها وتستنى شوية وماتجيش أو تضيع منك
تلاقى تفكير بيجيلك فى عقل بالك حاجة بتقولك " هو فين دة ياعم دة انا سعيت وصليت ودعيت " والحاجة ماجتش ...تقوم ساعتها تستغفر ربنا بسرعة وتستعيذ بالله من الشيطان
الحوار دة بيجيلنا كلللللللنا وهقولك لية ؟
البنى آدم كبشر بيعترف بالعنصر الملموس يعنى لازم يشوف الحاجة بعنية علشان يصدق
هقولك على حاجة لو انت مهندس مثلا وصنعت شاشة بنفسك وعارف كل حاجة انت عملتها فيها وحصل فيها خلل او عيب...مش اكيد هتبقى عارف المشكلة اية وهيتصلح ازاى؟؟؟
ربنا كدة ولله المثل الأعلى طبعا..هو اللى خالقك وعارف اية الخير ليك...واية اللى ممكن يصلحك ويرجعك......يعنى مثلا...تلاقى واحد اتصلح حالة علشان موت حد معين...واحد اتصلح حالة لما عرف بنت معينة ....واحد اتصلح حالة لما حصل لة مشكلة معينة...فربنا عارف انت محتاج اية وبيحطهولك ماتقلقش..دايما خليك واثق فى ربنا ...هترتاح كتيييييير..خلى جواك بنى آدم بيقولك لا لا فية حكمة من اللى بيحصل دة وإبدا فكر ربنا عاوز منك اية أو لية عمل كدة
** إسمع القصة دى **
باختصار يعنى كان فية مركب غرقت فى البحر ونجا منهم ناس واحد منهم وقع فى جزيرة وقعد يدعى ربنا ان ييجى حاجة تنقذة من الجزيرة المهجورة دى..بس مافيش حاجة جت..فقرر انة يبنى عشة يقعد فيها من البر وياكل من اى حاجة موجودة فى الجزيرة واصطاد فى مرة ارنب وبيشوية على النار وبيتمشى كدة حوالين الجزيرة لقى العشة مولعة وكل حاجة فبص وبيقول : لية يارب؟ حتى العشة اللى بنام فيها من البرد ولعت ؟؟ وقعدت يبكى لحد ما نام فى البرد من شدة البكاء صحى لقى مركب بتقرب على الشاطىء وجايين ينقذوة فتعجب جدا وقالهم انتوا عرفتوا مكانى ازاى؟
قالولة: احنا فجأة لقينا حريقة كبيرة جدا ودخان طالع فقولنا دة اكيد شخص محتاج نجدة
فسبحانك يامسبب الأسباب
طيب لية بيجيلنا التفكير دة كتير ؟؟؟؟
---------------------------------
زى ماقولتلك فوق قبل كدة البشر بيهتم بالشىء الملموس يعنى الحاجة الحقيقية انما فية حاجات كتير انت ماتعرفهاش لان (سعادتك ماتعرفش الغيب) يعنى ممكن يكون اتاخد منك حاجة علشان يديك حاجة اتاخد منك فلوس مثلا وادك صحة ..اتاخد منك صحة واداك فلوس كدة يعنى..اتحط فى طريق مشكلة علشان تاخد طريق تانى ..المهم تفكر ربنا عاوز منك اية
وخد بالك الشيطان هيفضل وراك لحد ماتسيب الدنيا هو وظيفتة اصلا يكفرك قاعدلك اساسا وكل ماتيجى تتوب عن حاجة يقولك الحقققققق دة تاب جايلك يامعلم
وأرجو إنى أكون قدرت اوصل قصدى اية من الموضع دة ومستنى الردود اللى تهز سيرفر المنتدى
